Шымкент әкімінің бұрынғы орынбасары Руслан Берденовке оқ атқан Ернар Жиембай қаруды полиция қызметкерінен алған. Бұл туралы Ішкі істер министрі Ержан Сәденов мәлімдеді.
Оқ атылған қару Астана қаласында тіркеуде тұр. Қазір аталмыш дерекке қатысты қылмыстық іс қозғалып, тергеу жүріп жатыр.
«Мәселенің мән-жайы тергеу барысында анықталады. Кімнің кінәлі екені, қаруды кім бергені – осы сұрақтардың бәріне жауап беріледі», — деді Сәденов.
Еске салсақ, 2025 жылдың 21 сәуірінде Шымкент қалалық әкімдігі ғимаратының алдында Ернар Жиембай Руслан Берденовке оқ атты. Қылмыскер Шымкент әкімдігінің тендерін ұтып алған «Тұрғын Үй Шымкент» компаниясының
Берденов Шымкент әкімінің орынбасары лауазымына 2025 жылдың ақпанында тағайындалды. 21 сәуірде Ернар Жиембай оған әкімдік ғимаратының алдында оқ атты. Денесіне 60-тан астам қорғасын оқ тиген Берденов бірден ауруханаға жеткізілді.
Ернар Жиембай – Шымкент әкімдігі жанындағы «Тұрғын Үй Шымкент» ЖШС-нің иесі. Ол сот отырысында қылмысқа әйелін Берденовке қызғанған соң барғанын мәлімдеді.
Сот материалдарында қылмыскер мен зардап шегушінің жұмыстағы жанжалы жайлы айтылады. Ернар Жиембай 21 сәуірде Руслан Берденовтің қатысуымен «Тұрғын үй Шымкент» ЖШС-нің мердігерлермен жиналыс өткізген. Жиналыс кезінде Берденов Жиембайға өз еркімен ЖШС директоры қызметінен кету туралы өтініш жазуды тапсырады.
Прокурор айыпталушыны 11 жылға бас бостандығынан айыруды сұрады. Сот Ернар Жиембайды 9 жылға абақты жазасына кесті.
фото: istockphoto.com
