БҚО экономикалық тергеу департаменті кәсіпорынның заң жолымен банкрот болуына көмектескен маманға қатысты тергеуді аяқтады. Күдіктінің ЖШС-ның шотындағы қаражатты заңсыз жолмен аударғаны анықталды.
Банкроттықты реттеуші компанияға тиесілі 46,4 млн теңгені құрылтайшы мен оған үлестес кісілердің жеке шоттарына аударған. Бірақ ол кәсіпорынның салық берешегі барын есепке алмаған.
БҚО мамандандырылған ауданаралық экономикалық соты бұл қаражат аударымын заңсыз деп таныды.
«Қаражат заң қызметтеріне ақы төлеу, пайда болған берешек бойынша талаптарды қанағаттандыру сылтауымен, сондай-ақ құрылтайшыға қалған ақшалай қаражатты қайтару мақсатында шығарылды», — деп түсіндірді ҚМА хабарламасында.
Банкроттықты дұрыс жүргізбеген маманға қылмыстық іс қозғалған. Қаражат компания шотына қайтарылады.
фото: pixabay
