Кейінгі жылдары Қазақстаннан көшетіндердің қатары сиреп келеді. 2025 жылдың алғашқы төрт айында басқа елдерге тұрақты тұруға 1,7 мың адам кеткен. Бұл көрсеткіш өткен жылдың сәйкес кезеңімен салыстырғанда (4,8 мың) 2,8 есе аз. Ranking Ұлттық статистка бюросының деректерін талдады.
Жалпы соңғы 25 жылда басқа елге қоныс аударатындар саны әлдеқайда азайған. Егер 2000 жылы республикадан 155,7 мың адам кеткен болса, 2024 жылдың соңына қарай – 12,7 мың азамат. Тек белгілі бір уақыт кезеңдерінде ғана статистика эмигранттар санының өсуін тіркеді: 2006 жылдан 2008 жылға дейін және 2013 жылдан 2019 жылға дейін.
Қазақстандықтар қай елдерге көшіп барады?
Көбі Ресейге барады. 2024 жылы Ресей Федерациясына көшкендердің үлесі 69% құрады. Өткен жылы да, 2025 жылдың бірінші тоқсанында да ҰБС есептері Ресей аймақтарына эмиграцияның азайғанын көрсетеді. Биылғы қаңтар-наурыз айларында Ресейге 644 қазақстандық көшті, бұл 2024 жылдың бірінші тоқсанымен салыстырғанда 75,5%-ға аз.
Қазақстандықтарды қабылдайтын елдер арасында Германия екінші орында. Өткен жылы бұл еуропалық мемлекетке 2 мыңға жуық Қазақстан азаматы қоныс аударған. 2025 жылдың бірінші тоқсанындағы мәлімет бойынша, Германияға көші-қон ағыны да айтарлықтай төмендеуде (минус 67,9%).
Ресейге көш не себепті кідірді?
Ресей-Украин соғысы әлі күнге аяқталмай келеді. Осының салдарынан Ресей экономиксының өсімі айтарлықтай баяулады. Геосаяси және экономикалық тұрғыдан қолайсыз болғандықтан Ресейге қоныс аударатындар азайған болуы керек.
2025 жылғы қантар-наурызда елге келгендер саны 4923 адамды, елден кеткендер саны 1122 адамды құрады. 2024 жылғы тиісті кезеңмен салыстырғанда Қазақстанға келгендер саны 34,1%-ға азайды, Қазақстаннан кеткендер саны 70,4%-ға азайды.
Елдің негізгі көші-қон алмасуы ТМД мемлекеттерімен жүреді. ТМД елдерінен келгендердің үлесі 84,1%, ал бұл елдерге кеткендердің үлесі 68% құрады.
Былтыр АҚШ миграция саясатын қатаңдатып, Қазақстан азаматтарын құрлықтан шығарған еді.
фото: pexels
