БҚО-да суға батып кеткен 562 киік төшкесі жойылды. Бұл жөнінде inform.kz жазды.
Казталова ауданының Қараоба ауылында тұрғындар Сарөзенге киіктердің батып кеткенін хабарлаған. Өзен суын Бостандық ауылы ас-ауқатқа пайдаланып отыр. Осыған байланысты су сапасын тексеру керек деп есептейді тұрғындар. Олар суды тексеруді талап етіп отыр.
БҚО орман шаруашылығы және жануарлар дүниесі аумақтық инспекциясының басшысы Нұрлан Рахымжанов киіктердің өзеннен өте алмай жатқанын айтты.
– Бүгін хабар келіп түсті. Бұл жөнінде Бөкейорда қорығының басшылығы хабардар. Оқиға орнына арнайы топ жіберілді. Бұл бірінші жағдай емес: өткен аптада дәл осы аумақта өзеннен өтпек болған 562 ақбөкеннің өлексесі суға батып, жойылды. Жануарлар жағаға шыға алмай қалды, – деді ол.
Sarapshy.info киік экологиясы туралы бірнеше рет мәселе көтерді. Оның ішінде ветеринарлық-санитарлық қауіпсіздік талаптарын сақтау жайы туралы да жазылды.
фото: shutterstock / FOTODOM / Yakov Oskanov
