Жоғарғы аудиторлық палата «ҚазМұнайГаз» ұлттық компаниясы мен «Бәйтерек» ұлттық басқарушы холдингін, сонымен қатар компаниялардың еншілес мекемелерін тексеруді бастады.
«ҚазМұнайГаз» бен оның жеке еншілес компанияларының активтерді пайдалану тиімділігіне, ал Ұлттық холдингтің қарызды басқару тиімділігіне аудит жүргізіліп жатыр», делінген палатаның хабарламасында.
«Бәйтерек» холдингінің «Қазақстанның Даму Банкі», «Qazaqstan Investment Corporation», «Отбасы банкі» және «Аграрлық несие корпорациясы» сынды еншілес ұйымдарына да тексеріс басталған.
Еске салсақ, осыған дейін палата ҚТЖ және НЗМ-да аудит жүргізген еді.
Сонымен бірге теміржолға баса назар аудара отырып, көлік саласына, Абай, Жетісу, Ұлытау, Алматы облыстарының бюджеттеріне және қазақстандықтарды дәрі-дәрмекпен қамтамасыз ету жүйесіне тексеріс жүргізілді.
Жалпы сомасы 2,9 триллион теңгеден астам қаржыны құрайтын 73 нысан тексерілген. Нәтижесінде 39 миллиард теңгеден астам қаражаттың заңсыз жұмсалғаны анықталды.
Сурет: freepik.com
