Әділет министрлігі шығармашылық иелерінің авторлық құқықтарын жасанды интеллект көмегімен қорғамақшы. Бұл туралы үкімет сағатында Ерлан Сәрсембаев айтты.
Жаңа цифрлық жүйе авторларға Instagram және басқа да Meta платформаларынан қаламақы алуға мүмкіндік береді.
“2024 жылы күз айында орын алған қазақстандық музыканы Meta платформаларынан алып тастау оқиғасы ұжымдық басқару саласындағы кемшіліктерді айқын көрсетті. Көптеген танымал авторлар мен орындаушылар өздерінің осы платформадағы шығармалары үшін сыйақы алмағандары туралы шағымданды. Осыған орай, бұл саланы цифрландыру қажет деген шешімге келдік”, — деді министр.
Сонымен қатар ЖИ технологияларын мемлекеттік органдарда пилоттық жоба негізінде іске қосып жатыр. Бұл туралы Үкімет отырысында қазақстандық Documentolog бұлтты платформасының бас директоры Байжан Қанафин айтты.
Оның айтуынша, ЖИ мемлекеттік аппаратқа құжаттарды жасау, жауапты орындаушыларды анықтау, тапсырмалардың орындалуын бақылауға көмектеседі.
Cурет: Pexels.com
