2026 жылдың 1 қаңтарынан бастап әлеуметтік осал топтарға жататын шамамен 1 миллион қазақстандық міндетті әлеуметтік медициналық сақтандыру (МӘМС) жүйесіне қол жеткізеді. Бұл туралы Денсаулық сақтау министрлігі хабарлады.
Елде сақтандырылмаған 3,6 млн азамат бар. Олардың ішінде 2,5 млн адамның өмір сүру деңгейі қанағаттанарлық, ал 1,1 млн адамның табысы төмен.
Енді аталған азаматтарға МӘМС арқылы тегін медициналық көмек алуға болады. Қаражат адам нақты медициналық көмекке жүгінген сәтте аударылады.
Қазір МӘМС жүйесіне 16,8 млн адам тіркелген. Оның 12,3 миллионына жеңілдік қарастырылған.
МӘМС жүйесіндегі мәртебені msqory.kz сайтынан, SaqtandyryBot Telegram-боты арқылы, сондай-ақ Qoldau 24/7, Damumed мобильді қосымшаларында және екінші деңгейлі банктердің қосымшаларында тексеруге болады. Денсаулық сақтау министрлігі медициналық көмек алу үшін азаматтардың тұрғылықты жері бойынша емханаға тіркелуі қажет екенін ескертті.
фото: freepik.com
