Орал қаласындағы тұз тапшылығы Ресей импортының тоқтауынан туындағаны расталды. Бұл туралы облыс әкімі Нариман Төреғалиев баспасөз отырысында мәлімдеді.
Дүкендердегі ас тұзының тапшылығына Ресейдегі «Руссоль» зауытының жеткізуді шамамен он күнге тоқтатуы себеп болған. Қазір тұз Атырау, Қызылорда және Ресейден қайта жеткізіліп, дүкендерде қалыпты сатылып жатыр, деп хабарлады әкім.
БҚО әкімдігі сұранысты толық қамту үшін «Аралтұз» АҚ және «Абзал и К» компанияларымен келісімге қол қойған.
Облыс әкімінің сөзінше, қазір әлеуметтік маңызы бар азық-түлік қатарындағы тұздың бағасы 55–69 теңге аралығында.
фото: freepik.com
