Түркістан облысында 18 жастағы қызды зорлады деген күдікпен 3 полиция қызметкеріне іс қозғалды. Бұл туралы Ішкі істер министрлігі хабарлады.
Қазір іс бойынша сотқа дейінгі тергеп-тексеру жұмыстары жүріп жатыр. Оқиғаның нақты мән-жайы, уақыты мен орны туралы ресми ақпарат жоқ.
Қылмыстық іс қозғалғанға дейін полиция департаментінде қызметтік тексеріс жүргізіліп, 3 адам жұмыстан шығарылған. Олардың процессуалдық статусы әзірге белгісіз.
Ішкі істер министрлігі істі аса назарда ұстайтынын мәлімдеді.
фото: freepik.com
