Түркияда Анкара қаласынан Триполиге бағыт алған бизнес-джет құлап, Ливия армиясы бас штабының басшысы Мухаммед Али Ахмед аль-Хаддад қаза тапты. Бұл ақпаратты Ливияның премьер-министрі Абдель Хамид Дбейба растады.
Бортта Ливияның құрлық әскерлерінің қолбасшысы, әскери өндіріс басқармасының басшысы, кеңесші және фотограф болған. Олардың барлығы көз жұмды.
Түркияның ішкі істер министрі Али Ерликаяның хабарлауынша, Falcon 50 маркалы ұшақ Анкара әуежайынан 20:10-да ұшып шығып, 20:52-де байланыстан жоғалған.
Апаттың нақты себебі әзірге белгісіз. Ливия үкіметі тергеуді бақылау үшін Анкараға ресми делегация жіберді.
фото: Anadolu Via Getty Images
