Қазақстанда кәріз тазарту құрылғыларының 65%, су құбырының 39%-ы тозған. Бұл жөнінде үкіметтің баспасөз қызметі хабарлады.
2029 жылға дейін су бұру желісінің тозуын 41%-ға баяулату, ал су құбырының ескіргенін 33%-ға дейін төмендету жоспарланған.
Биыл 2,6 мың шақырым су құбыры жаңадан салынады. Су нысандарын салу және жаңғырту жұмысына үкімет 2025 жылы 100,9 млрд теңге бөлді. Оның 38,2 млрд теңгесі – Ұлттық қордан.
Сумен қамтамасыз ету үшін 230 жобаны жүзеге асыруға арнаулы мемлекеттік қордан 160 млрд теңге бөлінді.
Тұрғындар ауыз су мәселесіне қатысты 30 мыңдай арыз-шағым жолдаған. Президент үкімет жыл соңына дейін халықты толық ауыз сумен қамтуға тапсырма берген.
Шілде айында Су кодексі күшіне енді. Жалпы 13 заңға өзгерістер енгізілді.
фото: pixabay
