Шетелдегі қандастарымыздың еңбек құқықтарын қорғау үшін ережелер әзірленді. Бұл туралы ҚР Еңбек және халықты әлеуметтік қорғау министрлігі хабарлады.
Шалғайда жүрген қазақ азаматтардың жұмысқа орналасуын ұйымдастыру, шетелге жұмысқа жіберетін жекеменшік агенттіктер мен еңбек мобильділігі орталықтарының өзара іс-қимыл ережелерін әзірледі. Құжат «Ашық НҚА» порталында жарияланды.
«Құжаттың негізгі мақсаты – республикадан тыс жерлерге жұмысқа шығатын қазақстандықтарды даярлауды, олардың еңбек қызметін тиімді ұйымдастыруды және шетелде еңбек құқықтарын қорғауды қамтамасыз ету», — деп көрсетілген хабарламада.
Демек аталған құжаттағы ережелер Қазақстаннан тыс жерде жұмыс істейтін қазақстандықтардың еңбек құқығын қорғауға бағытталған. Шетелде азаматтарға жұмыс берумен айналысатын жекеменшік агенттіктерге қойылатын талаптарды белгілейді және осы агенттіктердің еңбек мобильділігі орталықтарымен өзара әрекеттесу тәртібін анықтайды. Сондай-ақ, жекеменшік жұмыспен қамту агенттіктерінің шетелде жұмыс істеуге ниет білдірген жұмыс іздеушілерді іріктеу және оларды дайындау тәртібі реттеледі. Сонымен қатар, белгіленген талаптарға сәйкес тізілім құру және оны жүргізу көзделеді.
Осыған дейін Президент Қасым-Жомарт Тоқаев 200 мыңға жуық қазақ азаматы шетелде заңды жүмыс істейтінін айтқан еді.
Сурет: newtimes.kz
