Бұрынғы Еңбек вице-министрі Ақмәди Сарбасов пара алып жатқан жерінен ұсталған. Бұл ақпаратты Қаржы мониторнгі агенттігі растады.
Бұл жердегі мәселе — Сарбасов басқарған «Еңбек ресурстарын дамыту орталығындағы» дербес деректердің қолды болуында. «Бірінші кредиттік бюро» осы орталық деректерін пайдаланған.
Алматы қаласы экономикалық тергеп-тексеру департаменті «Бірінші кредиттік бюро» ЖШС-ның бас директоры Р. Омаровты, «Еңбек ресурстарын дамыту орталығы» АҚ-ның басшысы А. Сарбасовты және оның алдында дәл осы орталықты басқарған Д. Арғандықовты тұтқындаған. Пара ретінде ұсынылған 75 мың долларды департамент қызметкерлері тәркіледі.
Бұған дейін Арғындықов Денсаулық сақтау және әлеуметтік даму вице-министрі, Сарбасов Еңбек және халық әлеуемттік қорғау вице-министрі қызметін атқарған.
Үш шенеунік те екі ай қамауда болады.
«Күдіктілердің тұрғылықты жерін тінту барысында 370 мың АҚШ доллары және 4,5 млн теңге көлемінде ақша қаражаты тәркіленді», — деп хабарлады ҚМА.
фото: pixabay
