Фармацевтика саласында заң бұзған OrdaMed компаниясы ұлттық қауіпсіздік комитеті тарапынан тағылған айыптауларды толық жоққа шығарды. Бұл туралы компанияның ресми мәлімдемесінен белгілі болды.
Компания өкілдерінің пікірінше, бұл іс олардың бәсекелестерінің шағымына негізделіп, ашық жұмыс істеп отырған ірі ұйымның дамуын тежеуге бағытталған.
Компания басшысы Еркін Ділімбетов OrdaMed жеткізетін барлық медициналық жабдық зауытта өндірілетінін, ресми түрде қолданысқа енгізілген және ел бойынша медицина қызметкерлері тарапынан пайдаланылып жатқанын айтты.
«Сотқа дейінгі айыптаулар компанияның беделіне нұқсан келтіреді, бірақ «OrdaMed» штаттық режимде жұмысын жалғастырып жатыр», — делінген мәлімдемеде.
OrdaMed-ке тағылған айып
26 қаңтарда Ұлттық қауіпсіздік комитеті OrdaMed басшылығы Қазақстанда өз өндірісі бар екені туралы жалған құжаттарды пайдаланып, мемлекеттік медициналық мекемелерге 28 түрлі медициналық жабдықты жеңілдетілген шарттармен жеткізуге заңсыз преференциялар алғанын мәлімдеді.
КНБ дерегінше, іс жүзінде дайын жабдық шетелден әкелінген, ал мемлекетке келтірілген шығын 4,5 млрд теңгеге бағаланып отыр. Осы іс аясында компанияның техникалық директоры, бұрынғы басқарма төрағасы және өндірістік басқарма басшысы қамауға алынған.
фото: freepik.com
