23 қыркүйекте Оралдағы Мәншүк Мәметова атындағы халықаралық әуежайдан Қарағандыға жаңа әуе рейсі ашылады.
Орал-Қарағанды рейсі аптасына екі рет, яғни сейсенбі және жұма күндері орындалады.
Кеншілер астанасына ұшу Scat әуекомпаниясының 50 орындық Bombardier CRJ-200 ұшақтарымен жүзеге асады.
«Жаңа рейстер Батыс және Орталық Қазақстан арасындағы әуе қатынасының мүмкіндіктерін едәуір кеңейтуге, жолаушылардың ыңғайлылығын және өңірлер арасындағы іскерлік, туристік және мәдени байланыстарды қолдауды қамтамасыз етуге мүмкіндік береді. Билеттер әуекомпанияның сайтында және онлайн сервистерде сатылып жатыр», — деп хабарлады Мәншүк Мәметова атындағы халықаралық әуежайдың баспасөз қызметі.
Фото: Freepik.com
