Орал қаласында жеке тұрғын үй құрылысы үшін жер учаскесін алуға 72 684 адам тіркелген. Қалада үй салуға жер кезегі тоқтағанына 10 жылдан асты. 2021 жылдың басында тұрғындарға есеп берген қала басшысы Абат Шыныбеков Круглоозерный ауылынан 1141 жер учаскесі дайындалып жатқанын, биыл жер кезегінде тұрғандарға беріле бастайтынын айтқан еді. Бірақ қала әкімінің баспасөз қызметі жер учаскесі келесі жылдың басында беріле бастайтынын хабарлады. Оның өзінде жер учаскесін алуға 2004 жылы өтініш берген тұрғындар ғана қол жеткізеді.
Қазіргі таңда Круглоозерное кентіндегі жер учаскелерін инженерлік желілермен жабдықтау жүргізілуде, жұмыстар аяқталғаннан кейін жер учаскелері беріледі. 2020 жылдың маусым айында бастап «ПМК-117″ЖШС су құбырын жүргізуде. Су құбырының ұзындығы 51,686 км болмақ. Кентішілік желі д110 – 51,228 м және Д160 – 1,124 км. Шарт бойынша сома – 527,3 млн теңге. 2021 жылдың маусым айынан бастап «АЙКОМ LTD»ЖШС электр желісін тартуда. Электрмен жабдықтау желілерінің ұзындығы – 40 км. Шарт бойынша құрылыс жұмысына 640,7 млн теңге бөлінді. Әлия-Сервис»ЖШС 35 км газ құбырын жүргізуде. Шарт бойынша сома – 308,6 млн теңге. Инженерлік желілерді тарту жыл соңында аяқталады деп жоспарланған.
Айта кетейік, Қазақстан Республикасы Жер кодексінің одекстің 50-бабына сәйкес, осы Кодекстің 48-бабының 1-тармағына сәйкес конкурстарда (конкурстарда, аукциондарда) сатуға ұсынылған жер учаскелерінің тізіміне енгізілгендерді қоспағанда, жер учаскелері азаматтарға беріледі. Қазақстан Республикасы жеке меншікке ақысыз түрде келесі мөлшерде:
- Ауылдық жерлерде жеке қосалқы шаруашылығын жүргізу үшін (үй және егістік алқаптарын қоса алғанда) — суарылмайтын жерлерде 0,25 га және суармалы жерлерде 0,15 га;
- Жеке тұрғын үй құрылысы үшін — 0,10 га;
- Көгалдандыру, сондай-ақ саяжай құрылысы үшін — 0,12 га.