Орал қалалық полиция басқармасы түнгі клубтарға рейд жүргізіп, есірткіге ұқсас заттар, ішімдіктер мен электронды темекілерді тәркіледі. Бұл туралы БҚО полиция департаменті баспасөз қызметі хабарлады.
Тексеріс кезінде 21 жасқа толмаған 11 адам түнгі ойын-сауық жүргені белгілі болды. Олардың бесеуі мас күйде болған. Сонымен қатар күзет қызметкерлерінен екі пышақ, бір электршокер және бұрыш спрейі тәркіленді.
Клубтардың бірінде тоғыз кальян құрылғысы табылды. Ал ғимараттың екінші қабатындағы дәретханадан электронды темекілер және ақ түсті ұнтақ тәрізді заты бар зип-пакет табылып, сараптамаға жіберілген.
Шара қалалық полиция басқармасы мен арнайы жасақтың қатысуымен өтті. Тінту кезінде 56-дан астам азамат тексеріліп, ойын-сауық орындарының қауіпсіздігін қамтамасыз ететін күзет құрылымдарының қызметі бақылауға алынды.
2025 жылдың қарашасындағы есепке сәйкес, өңірдегі арыз-шағым ең көп түсетін ойын-сауық орындарының қатарына “The Bar” түнгі клубы, “Али” кафесі, және “Central Karaoke” караоке бары кірді.
