2024 жылдың желтоқсан айының соңында Бәйтерек ауданындағы «Агрофирма АКАС» ЖШС құс фабрикасында пастереллез ауруы тіркелген. Салдарынан 126 мың құс қырылып қалды, — деп хабарлайды «Мой Город» басылымы.
«2024 жылдың 31 желтоқсанында патологиялық материалға жүргізілген зерттеу пастереллезге оң нәтиже көрсетті. «Агрофирма АКАС» ЖШС-де құстың қырылуы 126 мың басты құрады. Бәйтерек ауданы Байқоныс ауылдық округінің әкімі шешімімен 31 желтоқсан күні құс фабрикасының аумағында шектеу шаралары енгізілді», — деп мәлімдеді БҚО ветеринария басқармасының баспасөз қызметі.
Басылымның мәліметінше, өлген тауықтар мен жұмыртқалар өртеу арқылы жойылған. Ғимараттарға дезинфекция жүргізілген.
Айта кетсек, пастереллез көбіне қаз, үйрек және тауықта кездеседі.
Пастереллез – тек құстарды ғана емес, басқа жануарлар мен адамдарды да кездесетін ауру. Бактерия ауа-тамшылы жолымен, ауру жануардың шағуы арқылы немесе науқаспен байланыс кезінде жұғады. Адамдарда аурудың белгілері шаққан жердегі қабынудан бастап, тыныс алу жолдарының ауыр инфекцияларына және сепсиске дейін өзгеруі мүмкін.
Сурет: Pixabay.com
