Елде электр энергиясының ең көп бөлігі Павлодар, Қарағанды және Атырау облысында қолданылады. Бұл туралы Өнеркәсіп және құрылыс министрлігінің есебінен белгілі болды.
Электр энергиясын тұтыну үлесі бойынша Павлодар облысы көш бастады (24,5%), одан кейін Қарағанды облысы (18,1%) және Атырау облысы (9,6%) тұр.
Қазір Қазақстан аумағында жылына 1 500 тоннадан астам электр энергиясын тұтынатын 21 мыңнан астам ұйым бар.
Электр қуатын көп тұтынатын 21 мың ұйымның 54%-ы — білім беру мекемелері.
Мемлекеттік басқару және қорғаныс саласының үлесі — 20,7%. Электрмен жабдықтау секторы 40,4% электр энергиясын жұмсаған. Өңдеу өнеркәсібі – 32,4%, тау-кен өндіру және карьерлерді игеру – 14,6%.
Ал өнер, ойын-сауық және демалыс орталықтары электр энергиясының 6,2%-ын қолданған. Бұл тізімде денсаулық сақтау ұйымдары да бар (5,5%).
Батыс Қазақстан облысындағы жағдай
2025 жылдың қарашасында «Батыс Қазақстан аймақтық электр желілік компаниясы» өңірдегі электр желілерінің 86%-ға дейін тозғанын мәлімдеді. Желілерді қалпына келтіруге шамамен 168 млрд теңге қажет. Сол себептен БҚ АЭЖК қолданыстағы тарифтерді көтеруді жоспарлап отыр (11,31 теңгеден 17 теңгеге дейін).
Оқыңыз: БҚО-да электр желісі 86% тозған: компания тағы да тариф көтеруді ұсынады
фото: freepik.com
