Таяу Шығыстағы дүрбелең басылмай тұр. Қазақстанның Сыртқы істер министрлігі Израиль мемлекеті мен Иран Ислам республикасынан 144 тұрғынды елге аман-есен алып келгендерін хабарлады.
«Қазақстан Республикасының Сыртқы істер министрлігі үйлестірілген эвакуациялық іс-шаралар шеңберінде Израильден 66 отандасты (Мысыр аумағы арқылы), Ираннан 78 азаматты (Армения арқылы – 73, Әзербайжан – 2, Түрікменстан – 3) шығарды», — деп хабарлады СІМ баспасөз қызметі.
Ведмство Израиль, Мысыр және Армения министрліктері көмектесіп жатқанын қаперге салды.
Сәрсенбі күні билік көмегімен Ираннан 109 адам Қазақстанға оралды.
«Аталған мемлекеттердің астаналарында (Тегеран және Тель-Авив қалаларында), сондай-ақ Горган мен Бандер-Аббас қалаларында орналасқан Қазақстан Республикасының дипломатиялық өкілдіктері қалыпты режимде жұмысын жалғастырып, отандастарға жан-жақты қолдау көрсетуде», — деп хабарлаған еді ведмство.
ҚР Сыртқы істер министрлігі қақтығыс ошағында жүрген азаматтарға жедел байланыс нөмірлерін ұсынды.
Біріккен Араб әмірліктерінде жүздеген қазақстандық ұшақ күтіп отырғаны туралы жазып едік.
