Сыбайлас жемқорлыққа қарсы қызмет Мәдениет және спорт министрлігінің бұрынғы вице-министрі ауыр қылмыс жасады деп күдікке ілінген Ерлан Қожағапанов мен мердігер ұйым басшыларына қатысты тергеуді аяқтады.
Оларға қызметтік өкілеттіктерін асыра пайдаланып, 1 млрд теңгеден астам бюджет қаражатын жымқырды деген айып тағылды. 2024 жылғы 13 желтоқсанда тергеу материалдары Бас прокуратураға жолданып, күдіктілер ісі сотқа берілді.
Осыған дейін Сыбайлас жемқорлыққа қарсы іс-қимыл агенттігі экс-шенеуніктің ұсталғанын, қазіргі уақытта Алматы қаласының полиция департаментінің уақытша ұстау изоляторына қамалғанын хабарлаған еді.
Қожағапанов 2017-2019 жылдары — ҚР мәдениет және спорт вице-министрі қызметін, 2019 жылы тамыз айынан бастап, 2021 сәуіріне дейін Алматы қаласы әкімінің бірінші орынбасары қызметін атқарған. 2021 сәуірінде ҚР мәдениет және спорт вице-министрі қызметіне қайта тағайындалып, сол жылдың қыркүйегінде қызметінен босатылды.
Сурет: ҚФФ ресми Facebook парақшасы
