2024 жылы Ұлттық қордан бюджетке бөлінген қаражат көлемі қорға түскен табыстан 65%-ға артық болды. Кірістер мен шығыстар арасындағы айырмашылық Ұлттық банктің ресми есебінен анықталды.
Ұлттық банктің мәліметінше, 2024 жылы Ұлттық қор активтері шамамен 66,2 млрд долларды құраған. Соның ішінде валюталық портфель – 58,8 млрд доллар, ал активтер баламасы – 7,4 млрд доллар.
Қордың инвестициялық кірісі бір жыл ішінде 4,6 млрд долларға жетті. Бұл табыстылық 7,59%-ға артқанын білдіреді.
Инвестициялық табысқа қарамастан, Ұлттық қордан алынған қаражат көлемі бір жыл ішінде күрт өскен. 2024 жылы қазынадан 6,3 трлн теңге алынған.
Оның 5,6 трлн теңгесі республикалық бюджетке трансферт ретінде аударылса, 705 млрд теңге «Қазатомпром» акцияларын және «Самұрық-Қазына» облигацияларын сатып алуға жұмсалған.
2016 жылдан 2023 жылға дейін Ұлттық Банкктен экономикалық секторды жақсарту үшін шамамен 3 трлн теңге бөлінген.
фото: ortcom.kz
