СҚО-да Ұлттық қордан 840 млн теңге бюджет қаражатын жымқырған коммерциялық ұйымның басшысына қатысты сотқа дейінгі тергеу аяқталды.
Аникордың мәліметінше, ол Ұлттық қор қаражатынан жылыжай кешенін салу үшін жапырақты көкөністерді өсіруге арналған жабдықтарды сатып алуға бөлінген қаржыны мақсатсыз жұмсаған.
Айыпталушыға қатысты тергеу аяқталып, іс сотқа жолданған.
2025 жылдың ақпан айында Ұлттық қордан бөлінген қаржыны бақылайтын комиссия жұмысын қайта бастады. Қаржы министрлігінің Ұлттық қордың түсімдері туралы есебіне сәйкес, 2024 жылдың 12 айында қорға жалпы 8,8 трлн теңге түскен. Алайда, өткен жылы Үкімет қордан 5,6 трлн теңге қаражат алған. Бұл Ұлттық қордан осыған дейінгі алған қаражат ішінде рекордтық көрсеткіш деп бағаланды.
Үкімет бастапқыда Ұлттық қордан 3,6 трлн теңге алады деп жоспарлаған. Бірақ іс жүзінде одан да көп, 2 трлн теңгеге артық ақша алды.
11 наурызда Түркістанда бюджет қаражатын жымқырған коммуналдық мекеме басшысы сотталған еді.
Сурет: gov.kz
