Каспий құбыр консорциумының (КТК) теңіз терминалы аумағында болған төтенше жағдайдың салдарын жою аяқталды. Жергілікті ауқымдағы төтенше жағдай режимі алынып тасталды.
Компания 2025 жылдың 30 тамызы күні теңіз бетіне объективті бақылау жүргізілгеннен кейін, операцияны басқару штабы КҚК теңіз терминалы акваториясында мұнай төгілуінің алдын алу және жою жоспары аясындағы негізгі іс-шараның аяқталғанын хабарлады.
Белгілі болғаны, қазір төгілген мұнайдың көлемі нақтыланып, оқиғаға қатысты тергеу жүргізіліп жатыр. Мұнай төгілген жер оқшауланған. Төтенше жағдайды жоюға 13 сүйреткіш кеме, төрт шағын кеме, бес мұнай жинайтын скиммер және тоғыз қалқымалы резервуар тартылды. Жиналған мұнай-сулы эмульсия КҚК теңіз терминалына жеткізілді.
Каспий құбыр консорциумы дерегінше, экологиялық бақылау операция кезінде үздіксіз жүргізілді. Бұл бақылау алдағы уақытта да жалғасады. Тәулігіне теңіз суынан кемінде екі рет сынама алынып отырады.
Айта кетейік, 29 тамыз күні Каспий кұбыр консорциумының теңіз терминалында танкерге жүк тиеу кезінде теңізге мұнай төгілді.
Фото: cpc.ru
