Осыған дейін Маңғышлақ станциясынан Ақтау теңіз портына дейінгі магистральдық теміржолы жеке компанияның иелігінде болған. Бұл туралы Бас көлік прокуратурасы хабарлады.
Қазақстан заңнамасына сәйкес магистральдық теміржолдар мемлекет меншігінде болуы керек.
Көлік министрлігі Маңғыстау облыстық мамандандырылған ауданаралық экономикалық сотына талап арыз беріп, 2025 жылдың 14 наурызында сот шешімімен талап толық қанағаттандырылды. Осыған сәйкес, «Каскор-Транссервис» АҚ аталған теміржол желісін мемлекетке өткізуге міндеттелді.
Kaztag ақпараттық агенттігі «Каскор-Транссервис» компаниясының меншігінде болған Ақтау портына баратын теміржол желісінің Нұртай Әбіқаев пен Жақсыбек Құлекеевке қатысы бар екенін жазды.
Нұртай Әбіқаевтың ұлы Марат Әбіқаев 2010 жылдан бері осы компаниямен байланысы бар адамдардың тізімінде тұрған. Сондай-ақ ол ҚР Қауіпсіздік Кеңесінің хатшысы, Президент Әкімшілігінің басшысы, екі рет ҰҚК төрағасы қызметін атқарған.
Ал Жақсыбек Құлекеев 2021 жылдан бастап сол компанияның басшыларының бірі болған. Бұған қоса, Құлекеев бұрын «Қазақстан темір жолы» ұлттық компаниясын басқарған кезде заң бұзғаны үшін сотталған. Одан бөлек бұрынғы Білім және ғылым министрі, Экономика және бюджеттік жоспарлау министрі, «Қазақстан темір жолы» мен «ҚазМұнайГаз» компанияларында басшылық қызмет атқарған.
Сурет: Pexels.com
