Аталған әлеуметтік желіде жасөспірімдердің қауіпсіздігін арттыруға бағытталған жаңа қызметтер пайда болды. Instagram жасөспірімдерге ұсынатын тақырыптарға көбірек көңіл бөледі, сонымен қатар «Үзіліс ал» мүмкіндігін енгізбек.
Алдағы уақытта балалардың парақшасы автоматты түрде жасырын статусқа ауысып, деректер құпиялылығы сақталады. Енді жасөспірімдерді әлеуметтік желіде ата-аналары бақылай алады.
Әлеуметтік желі қолданушыларға өздері жазылмаған балаларды белгілеуге не атап өтуге тыйым салды. Сонымен қатар Instagram жасөспірімдерді ұзақ уақыт бойы бір тақырыпқа назар аударған болса, басқа тақырыптарды қарауға шақырады.
Зорлық-зомбылықтың алдын алу және балаларды қорғау мақсатында компания олардың посттарын қарауға жаңа шектеулер енгізбек, ол шектеуді балалардың ата-аналары ғана өзгерте алады.
«Үзіліс ал» мүмкіндігі пайдаланушыларға қосымшаға көп уақыт жұмсаған жағдайда әлеуметтік желіден үзіліс ұсынады. Бұл қызмет Ұлыбритания, АҚШ, Ирландия, Аустралия, Канада және Жаңа Зеландияда іске қосылады.
Платформадағы контент түрлеріне шектеу де қойылмақ. Компания мұндай өзгерісті платформада кәмелетке толмағандарға қарсы қауіптің алдын алу мақсатында жүзеге асырған.
Сонымен қатар әлеуметтік желі көптеген сын айтылғанына байланысты Instagram Kids қосымшасының балаларға арналған нұсқасын әзірлеуді тоқтатқан.
Айтып өтелік, әлеуметтік желіде миллиондаған жас қолданушы тіркелген. Бұған дейін АҚШ-тың Сенат палатасы TikTok-тың жабылуына қолдау білдіріп, заңға қол қойды. Сондай-ақ көрші Қырғыз елінде TikTok жабылады деген ақпарат тараған еді.
Сурет: about.instagram.com
