26 қарашада Гонконг қаласының Тай По ауданындағы Wang Fuk Court тұрғын үй кешенінде аса ірі өрттен 128 адам қаза тапты, тағы 200 тұрғын із-түссіз жоғалған. Бұл туралы қаланың қауіпсіздік жөніндегі хатшысы Крис Тэнг хабарлады.
Бұл өрт соңғы 17 жылдағы ең үлкен апат ретінде тіркелді.
Ресми мәліметке сәйкес, кемінде 79 адам түрлі дәрежедегі күйік пен жарақат алған. Өртті ауыздықтау кезінде 12 өрт сөндіруші зардап шеккен, оның бірі ауыр жағдайда жатыр.
Гонконг полициясы алғашқы тексеріс барысында өртке әкелген бірқатар өрескел заңбұзушылықтарды анықтады. Ғимаратта дабыл жүйесі жұмыс істемеген, ал бамбуктан жасалған құрылыс материалдары мен пластик торлар жалынды көрші ғимараттарға тез таратып жіберген.
Қазір құрылыс алаңында жеңіл тұтанғыш материал қалдырған үш құрылысшы тергеліп жатыр.
26 қарашада тұтанған бұл өрт Гонконгтағы соңғы 17 жылдағы ең үлкен апат ретінде тіркеліп, оған ең жоғары қауіптілік деңгейі берілген.
Wang Fuk Court кешеніне тиесілі сегіз мұнараның жетеуі өртке оранған.
фото: LEUNG MAN HEI / EPA / ТАСС
