Ұлттық банк алғаш рет базалық мөлшерлеменің болашақтағы траекториясы жөніндегі бағалауын жариялады. Естеріңізге сала кетейік, тамыздың соңында мөлшерлеме 14,25% деңгейінде қалған болатын.
Комитет мүшелері инфляция бойынша мақсатқа жету үшін қандай мөлшерлеме қажет болатыны туралы жеке пікірлерін білдірді.
Сонымен болжамдардың медианасы 2026 жылдың соңына қарай мөлшерлеме 2022 жылдың басында күрт көтерілгенге дейінгі 10%-дық деңгейіне дейін төмендейді деген шешімге келді.
2025 жылдың соңына қарай медианалық бағалауы – 11,9%, ал биылғы жылдың соңына қарай – 14,25% (демек 2024 жылы ештеңе өзгермейді дегенді білдіреді). Алайда бағалаулардың диапазоны өте кең.
Ең қарапайым болжамдар бойынша жылдың соңына қарай 13,5%-ға дейін төмендейді, ал ең қатаң болжамдар бойынша 14,5%-ға дейін өсуі мүмкін.
Айта өтейік, жуырда Ұлттық банк базалық мөлшерлемені 14,25% деңгейінде сақтау туралы шешім қабылдады.
«Жылдық инфляция 2024 жылғы шілдеде 8,6%-ға дейін өсіп, Ұлттық банктің болжамы шегінде қалыптасты. «Тарифті инвестицияға айырбастау» бағдарламасын іске асыру аясында реттелетін қызметтер бағасы өсіп келеді», деп хабарлады Ұлттық банктен.
Дереккөз: Data Hub
Сурет Ұлттық банктің ФБ-дағы парақшасынан алынды
