Chevron корпорациясы 2025 жылдың үшінші тоқсанында 3,5 млрд доллар (1,86 трлн теңге) пайда тапты. Бұл туралы компанияның баспасөз қызметі хабарлады.
2025 жылдың маусым-қыркүйек айларында компанияның мұнай өндіру көлемі тәулігіне 4,1 млн баррельге жетіп, өткен жылғы көрсеткіштен 21%-ға артқан. Бұл өсім негізінен Chevron құрамына енген Hess компаниясының есебінен және Теңіз кен орнын кеңейту жобасының аяқталуына байланысты.
Қыркүйекте Chevron директорлар кеңесінің төрағасы Майк Уирт Теңіз кен орны бойынша 2033 жылы аяқталатын келісімді ұзартуды корпорацияның басты үш басымдығының бірі деп атаған болатын.
Chevron-ға Қарашығанақ кен орнының үлесінің 18%-ы тиесілі. Бұдан бөлек компания Қазақстандағы Теңіз кен орнының 50% активтеріне және Каспий құбыр консорциумының 15% үлесіне ие.
фото: depositphotos.com/jetcityimage2
