Қазақстан Премьер-министрі Олжас Бектенов елдегі ірі бизнес өкілдерін әділ салық төлеуге шақырды. Ол BI Group, BAZIS және басқа да ірі құрылыс компанияларының бюджетке төленетін салық сомасы олардың шынайы пайдасына сәйкес келмейтінін айтты.
Премьер-министрдің айтуынша, миллиардтаған айналыммен жұмыс істейтін кейбір компания бюджетке тапқан пайдасына мүлдем сәйкес келмейтін сомаларды төлейді. Оның сөзінше, үкіметте осындай ірі компаниялардың толық тізімі бар.
«Ол тізімде BI Group, BAZIS және басқа да көптеген ірі құрылыс компаниялары жүр. Экономиканың басқа салаларында жұмыс істейтін белгілі әрі танымал мейрамханалар, фитнес-клубтар және әртүрлі компаниялар бар», — деді ол.
Премьер-министр салықты оңтайландыру схемаларын қолданатын ірі компанияларды әділ салық төлеуге шақырды.
«Бүгін-ертең сіздердің компанияларыңызға салық органдарынан қосымша салық сомаларын төлеу қажеттілігі туралы хабарламалар келіп түседі. Баршадан екі апта ішінде салық органдарына қосымша салық декларацияларын тапсыруды және әділетті салық сомасын төлеуді сұраймын», — деді прьемер-министр.
«Егер екі апта ішінде салық төленбесе, мемлекет барлық ресурстарды қолданады, алайда әділ салық төлегендермен диалогқа дайынбыз», — деп атап өтті Олжас Бектенов.
Cурет: gazeta.uz
