2025 жылдың 10 айында өңірде АИТВ инфекциясының 61 жағдайы анықталды. Былтырғы кезеңдегі көрсеткішпен салыстырғанда сегіз адамға көп. Бұл туралы облыстық АИТВ инфекциясын алдын алу орталығы директорының орынбасары Алмагүл Мантакова хабарлады.
Науқастардың көбі Орал қаласында тіркелсе (42), Бөрлі ауданында 6, Теректіде 4, Бәйтерек пен Ақжайықта 2, Тасқала, Жаңақала, Казталов және Шыңғырлау аудандарында бір-бір жағдайдан тіркелген. Сонымен қатар басқа облыстардан келген тұрғындар арасында 1 оқиға анықталды.
Биыл 20-29 жас аралығындағы азаматтардың жетеуі инфекция жұқтырды, 30-39 жаста 26 жағдай, 40-49 жаста 16, 50-59 жас аралығында 9, 60 жастан асқандарда 3 жағдай. Балалар мен жасөспірімдер арасында індет анықталмаған.
АИТВ жұқтырған ер адамдардың үлесі – 67,2% (41 адам), әйелдер – 32,8% (20 адам).
1996 жылдан бері өңірде 1192 адам АИТВ жұқтырған.
фото: istockphoto.com
