2025 жылдың басынан бері елде 88 мың отбасы құрылды. Бұл туралы «Азаматтарға арналған үкімет» мемлекеттік корпорациясының баспасөз қызметі хабарлады.
Алматы қаласы неке саны бойынша көш бастады. 2025 жылдың тоғыз айында мегаполиста 14 254 жұп ресми түрде отбасын құрған.
Астана қаласы көштің екінші орнын иеленді. Елордада 10 142 жұп неке қиған.
Ал Түркістан облысында биыл 6 687 неке тіркелген.
Төртінші және бесінші орында Шымкент (5 570 неке) пен Қарағанды облысы (5 394 неке) тұр.
Батыс Қазақстан облысында 2025 жылдың бірінші жартысында 1513 неке қиылған. Бұл Қазақстан бойынша ең төмен көрсеткіштердің бірі.
Соңғы кездері қоғамда «Қазақстанда әр үшінші жұп ажырасады» деген кеңінен тарады. Бұл деректің қаншалықты шынайы екенін Sarapshy.info мақаласынан оқыңыз.
фото: freepik.com
