Мемлекет басшысының өкімімен Жандос Өмірәлиев ҚР бас прокурорының бірінші орынбасары атанды. Ол бұл қызметке Тимур Ташимовтың орнына тағайындалды.
Жандос Өмірәлиев 2018-2022 жылдары Батыс Қазақстан облысының прокуроры болды. 2022 жылдың маусымынан бері ҚР бас прокурорының орынбасары қызметін атқарып келді.
Ол әр жылдары бас прокурордың ерекше тапсырмалар жөніндегі аға көмекшісі және Алматы қаласы прокурорының орынбасары болған. БҚО облысының прокуроры лауазымына дейін 2017-2018 жылдары Бас прокуратураның кадрларды дамыту басқармасының бастығы қызметін атқарды.
