2025 жылы ел бойынша 125 теміржол вокзалында жөндеу жұмыстары басталды. Оның ішінде Батыс Қазақстан облысындағы Орал, Қазақстан, Шыңғырлау және Жетібасты мар станциялары да бар. Бұл туралы «Қазақстан теміржолы» компаниясы хабарлады.
ҚТЖ дерегіне сәйкес 1916 жылы салынған Жетібасты мар станциясының тарихи ғимаратының сырт келбеті сақталып, іші заманауи деңгейде жөнделеді. Жаңа вокзалда күту залдары, кассалар, санитарлық тораптар жаңартылады. Сонымен қатар мүмкіндігі шектеулі жолаушылар үшін қолайлы жағдай жасалады.
Орал вокзалында жаңа конкорстық өткел салынады деп жоспарланып отыр.
Жобаға “Қазақстан темір жолы” АҚ мен жергілікті билік жауапты. Жөндеу жұмыстары қашан аяқталатыны туралы нақты ақпарат жоқ.
Естеріңізге сала кетейік, 2025 жылдың шілдесінде үкімет Батыс Қазақстан облысында «Қазақстан теміржолы» АҚ филиалын қайта құру туралы ұсынысты құптамады.
фото: ҚТЖ PRESS
