24 қаңтар күні Тасқала ауылында полиция қызметкері әйел адамды Mitsubishi көлігімен қағып кеткен. Бұл туралы ақпаратты БҚО ПД баспасөз қызметі растады.
Ресми дерек бойынша Mitsubishi көлігінің жүргізушісі артқа қозғалу кезінде белгіленбеген жерден жолды кесіп өтпек болған әйелді қағып кеткен.
Оқиға салдарынан жаяу жүргінші алған жарақатынан оқиға орнында қайтыс болған.
«Медициналық тексеру қорытындысы бойынша, жүргізушінің мас күйде болмағаны анықталды. Ол қамауға алынып, уақытша ұстау изоляторына жеткізілді»,- деп хабарлады БҚО ПД баспасөз қызметі.
Күдікті ішкі істер органынан жұмыстан шығарылған.
Апат фактісі бойынша сотқа дейінгі тергеу басталды.
Сурет: gov.kz
