Батыс Қазақстан облысында 2025 жылға дейін 77 мектептің құрылысына қажеттілік анықталған. Облыстық білім басқармасының мәліметінше, оның 51-і ауылдық жерлердегі шағын жинақты мектеп. Жобалық қуаттылығынан артық 26 модульдік мектеп анықталған.
БҚО білім басқармасының дерегінше, Президенттің облыста модульдік мектептер салу жөніндегі тапсырмасына сәйкес 60 және 108 орындық шағын жинақты мектептер салу жоспарланған көрінеді. 2022 жылы шағын жинақты 16 мектептің құрылысын әлеуметтік инвестициялық жобалар аясында КПО Б.В. есебінен іске асыру жоспарлануда.
Білім басқармасы жеке мектептер құрылысына жеке инвесторларды тарта бастаған. Атап өтсек, «Нуркапстройгаз» ЖШС Зашаған кентінде 900 орындық мектептің іргетасын қалады.
«Каз-Холл» ЖШС Орал қаласының №31 апатты жағдайындағы мектепті бұзып, орнына 400 орындық мектеп салмақ.
Қазір БҚО-да 10 білім беру нысанының құрылысы жүруде. Былтыр 8 мектептің құрылысына 4 млрд. 860 млн. 696 мың теңге қаражат бөлінген.
Нұрлыбек Рахманов,
sarapshy.info