ҚР президенті Қасым-Жомарт Тоқаев РФ басшысы Владимир Путин экс-президент Нұрсұлтан Назарбаевты қабылдайтынын ескерткенін айтты.
Назарбаев Путинге өзін қабылдауын өтінген.
«Жұмысы өте қарбалас болса да, сенбі күні Қазақстанның Тұңғыш президентімен асықпай әңгімелесуге уақытын бөлді. Ол Нұрсұлтан Назарбаевты Еуразиядағы ықпалдастық үдерісінің бастауында тұрған тәжірибелі саясаткер ретінде бағалайды», — деді президент «Түркістан» газетіне жарияланған сұқбатында.
Мемлекет басшысы Путиннің басқа президенттерді қабылдауын қалыпты үрдіс деп бағалады.
«Ондай әңгімелер барысында не айтылғаны маған қызық емес, бұл туралы ешқашан сұрақ қоймаймын», — деді Тоқаев.
Басқа да сұрақтарға жауап берген президент парламент төрағасы лауазымы туралы пікірін де айтты.
«Бұл – бос әңгіме. Мұндай пікір менің саяси қағидаттарыма қайшы келеді. Мен Қазақстанның президенттік басқару үлгісіндегі мемлекет екенін бірнеше рет айттым», — деп жауап берді бұл жөнінде сауалға.
Айта кетейік, 2025 жылдың 27 желтоқсанында Қазақстанның тұңғыш президенті Нұрсұлтан Назарбаев Мәскеуге барып, Ресей президенті Владимир Путинмен кездесті. Бұл туралы Кремльдің баспасөз қызметі хабарлады.
