Ақтөбе қаласының № 2 соты бүйрегін 9 млн теңгеге сатпақ болған Атырау қаласының азаматы Ерболат Орынбасаровқа қатысты үкім шығарды.
Сот үкімімен Орынбасаров Қылмыстық Кодекстің 24-бабының 3-бөлігі және 116-бабының 1-бөлігі бойынша («тірі адамның ағзалары мен тіндеріне қатысты заңсыз мәмілелер жасауға оқталды») кінәлі деп танылып, оған 1 жылға бас бостандығынан айыру жазасы тағайындалды. Аталған Кодекстің 63-бабына сай жазасын өтегенше пробациялық бақылауда болады.
Оқиғаның мән-жайы
Ерболат Орынбасаров 2024 жылдың маусымында өзінің бір бүйрегін сататыны туралы хабарландыруды телеграмда жариялаған. Желіде бүйрегін 9 млн теңгеге бағалайтынын жазған. 2024 жылдың 20 қыркүйегінде әйел адам хабарласады. Екеуі бүйректі сатып алу туралы келісімге келеді. Медициналық тексеруден өткеннен кейін күдікті бүйректі саудалап жатқан жерінен ұсталады. Сатып алуға келіскен кісі сол кезде 5 млн теңге төлеген.
Орынбасаров ағзаны сатуды сұраған адамды құқық қорғау органдарының арнайы жолдағанын білмеген. Куәгер сотта мән-жайды баяндаған.
Жаза
Сотталушы өз кінәсін мойындады. Оның кішкентай балалары бар екені белгілі болды. Судья осы себепті жазаны жеңілдеткен. Ақтаулық тұрғынға шартты түрде жаза тағайындалды.
Сот үкімі заңды күшіне енген жоқ.
Қосымша дерек
Ақпарат құралдары жариялаған мәліметке сүйенсек, 2024 жылдың тоғыз айында адам азғасын саудалауға қатысты 15 қылмыстық іс қозғалды. Соның ішінде алты факт бойынша күдіктілер жазаға тартылды.
Сурет: freepik.com
