Алтын мен платина тобына жататын металдарды өндірумен айналысатын британдық Eurasia Mining компаниясы Қазақстанға келді. Бұл туралы Астана халықаралық қаржы орталығының (AIX) баспасөз қызметі хабарлады.
Компания 1995 жылы құрылған. Негізгі кен орындары Ресейдің Орал аймағында орналасқан – мұнда алтын, платина, палладий, иридий және родий өндіреді. Eurasia Mining-тің нарықтық капитализациясы шамамен 140 миллион фунт стерлингке (99,2 миллиард теңге) бағаланып отыр.
Компания Астана халықаралық қаржы орталығының акцияларының бір бөлігін сатып алған. Сарапшылар Eurasia Mining елдегі бірқатар алтын жобаларына, соның ішінде «Алтыналмас» тәрізді ірі кен орындарына қызығушылық танытуы мүмкін екенін айтады.
AIX бас директоры Әсел Мұқажанова Eurasia Mining PLC-пен серіктестікті былайша бағалады:
«Eurasia Mining PLC-ны AIX биржасына қабылдап отырғанымызға қуаныштымыз. Бұл маңызды қадам компания үшін жаңа мүмкіндіктер ашып, кеңірек инвесторлар базасына қол жеткізуге және өңірлік деңгейде танымал болуға жол ашады. Бұл — жай ғана листинг емес, AIX алаңының кеңеюді және ықпалын арттыруды көздейтін амбициялы компаниялар үшін тартымдылығының артып келе жатқанын көрсетеді», – деді ол.
