Қазақстанда сотталғандар жыл сайын 150-ден астам қылмыс жасайды. ҚР Бас прокуратурасының Құқықтық статистика және арнайы есепке алу комитетінің статистикалық деректерін Ranking.kz талдады.
2024 жылдың қаңтар-қазан айларында 116 қылмыстық құқық бұзушылық тіркелген. Оны бұрын сотталған және жазасын өтеп жатқандар жасаған. Бұл өткен жылдың осы кезеңімен салыстырғанда 18,9%-ға аз.
Соның ішінде ауыр қылмыс жалпы құқық бұзушылықтардың 35,3%-ына тең, яки әр үшінші дерек осыған қатысты.
Орташа ауыр қылмыстар – барлық қылмыстың 22,4%-ы, әр бесінші факт соған байланысты. Өте ауыр қылмыстар бойынша 9 факт тіркелген, олардың әрқайсысы 12 жылдан астам мерзімге бас бостандығынан айыруды көздейді.
2024 жылдың қаңтар-қазан айларында пробациялық бақылауда жүргендердің жасаған қылмысы – 40,5% болған. Оларға қатысты 47 жаңа қылмыстық құқық бұзушылық тіркелген, оның жартысы – мүлікке қарсы қылмыстар (ұрлық, алаяқтық, тонау).
Түрмедегі қылмыстар
Уақытша ұстау абақтысында осы кезең аралығында 17 қылмыс тіркелген, оның 5-еуі ауыр қылмыс, 5-еуі өте ауыр қылмыс (кісі өлтіру, жыныстық зорлық-зомбылық). Колонияда (түрмелерде) орын алған құқық бұзушылықтар бойынша 5 қылмыс – минималды және орташа қауіпсіздік колонияларында, 2 қылмыс – жоғары қауіпсіздік пен қатаң режимдегі түзету мекемелерінде жасалды деп көрсетілген.
Сурет: Pexels.com
