Қаңтар-тамыз айларында Ресейден 11,2 млрд көлемінде тауар әкелінді. 2023 жылдың осы кезеңімен салыстырғанда номиналды өсім 2,1%-ды немесе 231,9 млн құрады. Мұндай деректерді ҚР СЖРА ҰСБ ұсынып отыр.
Көрсеткіш бір жыл бұрын 5%-ға қысқарғаннан кейін қайта өсіп келеді. Алдыңғы жылдары сегіз айдың қорытындысы бойынша едәуір өсіп отырған еді, яғни, 2022 жылы – 7,8%, 2021 жылы – 25,3% болды.
Қазақстан көршіден не сатып алып жатыр?
Data Hub дерегінше, қаңтар-тамыз айларында Ресей импортының 85%-ы алты тауар тобына тиесілі болған:
- Металдар мен олардан жасалған бұйымдар – 2,2 млрд (жылдан жылға +3,6%)
- Машиналар, жабдықтар, көлік құралдары, аспаптар және аппараттар – 2,1 млрд (-0,8%)
- Химиялық өнім және олармен байланысты өнеркәсіп салаларының өнімдері – 1,9 млрд (+6,8%)
- Дайын азық-түлік тауарлары – 1,3 млрд (+3,3%)
- Отын-энергетикалық тауарлар – 1,1 млрд (+3,8%)
- Мал және өсімдік өнімдері – 0,9 млрд (+8,6%)
Айтып өтелік, Қазақстанға тауар импорттайтын елдердің ішінде Ресей ең үлкен үлеске ие – 29,4%.
Жалпы осы жылғы қаңтар-тамызда Қазақстанның ЕАЭО елдерімен өзара сауда 18930,7 млн долларды құрап, өткен жылдың сәйкес кезеңімен салыстырғанда номиналды мәнде 3,3% азайды.
2024 жылғы қаңтар-тамызда тауарлар экспорты 6915,4 млн долларды (9,8% аз), импорт – 12015,3 млн доллар (0,9% көп) деңгейінде қалыптасты.
Ұлттық статистика бюросының мәліметінше, біздің елдің ЕАЭО елдерімен сыртқы сауда айналымының жалпы көлемі Ресей Федерациясына – 91%, бұдан әрі Қырғыз Республикасына – 5,8%, Беларусь Республикасына – 3,1%, Армения Республикасына – 0,1% келеді.
Сурет: freepik.com
