Биылғы бес айда жемқорлық бабымен қозғалған істің 405-і сотқа жеткен. Бұл көрсеткіш былтырғыдан 9,2%-ға артық. Бұл жөнінде ranking.kz жазды.
Қаңтар-мамыр айларында 640 адам күдікті деп танылған. 464 адамның жемқорлық қылмысын жасағаны дәлелденген.
Әкімдік пен оған қарасты бөлімдерде жұмыс істейтін 66 мемқызметкер сотқа шақырылған. Ішкі істер органдарының 49, Қаржы министрлігінің 16, Ауыл шаруашылығы министрлігінің 11 және Ішкі істер министрлігі Қылмыстық-атқару жүйесі комитетінің 7 қызметкері жауапқа тартылды.
Биыл үш әкім және бір судья жемқорлық қылмысы бойынша тергелді.
Пара алу дерегіне қатысты 167 іс тіркелді. Жемқорлық бабы бойынша осыған байланысты көбі тергеліп жатыр. Бес айда 22 полиция қызметкері және әкімдіктерде жұмыс істейтін 13 адам ұсталған. Қаржы министрлігнің тоғыз қызметкері тергеуге шақыртылды.
Жалпы 99 адамның пара ұсынғаны анықталды.
Бір жыл ішінде мемлекеттік қызметке жүгінгендердің 17%-ы пара бергені белгілі болып отыр.
Дүниежүзілік рейтингте Қазақстан 40 индекс дәрежесімен 80-орынға жайғасты. Солтүстік Македония, Суринам, Вьетнам мемлекеттерімен бірдей деңгейде.
фото: gov.kz
