2025 жылы шетелдік компаниялар Қазақстанға 50 млрд теңгеге жуық салық төледі. Бұл өткен жылмен салыстырғанда 20 млрд теңгеге көп. Бұл туралы Қаржы министрлігі хабарлады.
2025 жылға дейін шетелдік цифрлық компаниялар бюджетке 118,4 млрд теңге аударған. Ең ірі салық төлеушілер қатарында Valve Corporation (8,6 млрд теңге), Apple (8 млрд теңге) және Temu (6,2 млрд теңге) бар.
Қазақстанда 118 шетелдік компания тіркелген. Олардың қатарында OpenAI (ChatGPT әзірлеушісі), Canva, Microsoft Ireland және Canyon Bicycles бар.
Цифрлық салық немесе «Google салығы» шетелдік компаниялардың қазақстандық пайдаланушыларға онлайн-қызмет пен тауарлар ұсынуын реттейді. Аталмыш платформалар лицензия алып, қосылған құн салығын (ҚҚС) 12% мөлшерінде төлеуге міндетті.
