2025 жылдың 1 қазанындағы дерек бойынша Қазақстанда 5 148 350 жеңіл автокөлік тіркелген. Олардың 41,8%-ның “жасы” 20 жылдан асады. Бұл туралы EconomyKZ.org мәлімдеді.
Соңғы бір жылда Қазақстанда автокөлік саны 4,2%-ға артқан. Көлік санынан көш басында 626 мың машина тіркелген Алматы қаласы, 550 мың көлік жүретін Алматы облысы және 407 мың көлікпен Астана қаласы тұр.
Автопарктің жас құрылымына келсек, елде 20 жылдан асқан көліктер үлесі 41,8%-ды құрайды. Ең «ескі» көліктер Түркістан (86,2%), Жамбыл (82%) және Алматы облыстарында (77,4%) тіркелген.
Отын түрі бойынша 87,9% машина бензинмен жүрсе, 7,6%-ы газбен және бензинмен аралас жұмыс істейді. Елдегі электр көліктерінің үлесі – 0,3%. Электромобильдер негізінен Алматы қаласы, Астана және Алматы облысында шоғырланған. Естеріңізге сала кетейік, елде электр көліктеріне арналған квота таусылуға жақын.
