Қазақстанда балалардың әлеуметтік желіні қолдануын шектеу ұсынылды. Бұл туралы мәдениет және ақпарат вице-министрі Евгений Кочентов хабарлады.
Қазір балалардың әлеуметтік желіде жаңа аккаунт ашуына тыйым салу мәселесі талқыланып жатыр. Заң қабылданғанға дейін ашылған аккаунттар бұғатталмайды.
Мемлекеттік органдар заң жобасын қарастырып, жыл соңында қоғамдық талқылауға шығарады.
Бұған дейін балаларды зиянды контенттен қорғау туралы бірқатар депутат сөз қозғады. Осы орайда сенат депутаты Геннадий Шиповский премьер-министр Олжас Бектеновке TikTok платформасының қаупі туралы сауал жіберді. Премьер-министрдің айтуынша, аталмыш қосымша 13 жасқа толмаған қолданушыларды тіркемейді және зиян
Қазір Испания, Франция, Германия, Австралия, Дания, Ұлыбритания және Малайзия елдері де осыған ұқсас заң нормаларын зерттеп жатыр.
Австралияның Байланыс министрі Мишель Роуланд шектеу салынатын платформаларға Instagram және Facebook Meta, сондай-ақ ByteDance компаниясының TikTok және Илон Масктың X қолданбалары кіретінін айтты.
фото: freepik.com
