Президент Қасым-Жомарт Тоқаев білім беру және бала құқықтарын қорғау мәселелері бойынша заңға қол қойды.
Заң шеңберінде ҚР «Неке (ерлі-зайыптылық) және отбасы туралы» кодексіне, ҚР Азаматтық іс жүргізу кодексіне, сондай-ақ Қазақстанның жеті заңына өзгерістер мен толықтырулар енгізілді. Заң жобасы жетім балалар мен ата-ана қамқорлығынсыз қалған балалардың құқықтарын қорғау механизмдерін жетілдіруге бағытталған.
Заңда бала асырап алушыларға бірқатар жаңа талаптар енгізілген.
Атап айтқанда, жас айырмашылығын анықтау. Асырап алушы мен баланың жас айырмашылығы белгілі бір шекте болуы керек.
Соттылығы туралы ақпаратты жаңарту. Асырап алушының соттылығы туралы деректер жыл сайын жаңартылып тұруы тиіс.
Психологиялық диагностика және оқыту. Асырап алушы арнайы аккредиттелген ұйымдарда диагностикадан өтіп, оқыту курстарын аяқтауы керек.
Бұл талаптар балалардың қауіпсіздігін қамтамасыз етуге және асырап алушылардың дайындық деңгейін жақсартуға арналған.
Заң аясындағы келесі өзгерістер мемлекеттік марапаттар, білім беру, әлеуметтік көмек және лицензиялау бойынша енгізілді.
- Экономикадағы түрлі сала мамандарына, ғалымдарға және өнертапқыштарға құрметті атақтар, мемлекеттік марапаттар беріледі.
- Білім беру ұйымдары
- ның қызметін бастау немесе тоқтату тәртібі енгізілді.
- Мектептерде әлеуметтік осал топтағы отбасылардың балаларына көмек көрсету механизмдері енгізіледі.
- 2027 жылдан бастап мектепке дейінгі білім беру ұйымдары лицензиялау арқылы реттеледі.
Bes media ұсынған мәліметке сәйкес Қазақстанда балаларға қатысты, соның ішінде сексуалдық зорлық-зомбылыққа байланысты құқық бұзушылықтар саны жыл сайын артып келеді. 2024 жылдың 11 айында кәмелетке толмағандардың жыныстық қол сұғылмаушылығына қатысты 890 құқық бұзушылық фактісі тіркелді, бұл 2023 жылдың осы кезеңімен салыстырғанда 8%-ға жоғары.
Сурет: Pexels.com
