Қазақстанның қатты бидай (дурум) экспорты қыркүйекте 8,1 мың тоннаны құрады, бұл тамыз айымен салыстырғанда 3,6 есе және өткен жылғы көрсеткіштен 7,5%-ға аз.
Астық одағының басшысы Евгений Карабановтың айтуынша, төмен көрсеткішке егін жинаудың ауа райына байланысты кешігуі мен сапаның төмендігі себеп болған.
«2026 жылдың қаңтарында қатты бидай экспорты жандануы мүмкін, себебі үкімет алыс нарықтарға тасымалдау шығындарын субсидиялау тетігін енгізуді жоспарлап отыр. Алдын ала болжам бойынша, ағымдағы маусымда дурум экспорты 300 мың тонна шамасында болмақ», — деп мәлімдеді сарапшы.
Естеріңізге сала кетейік, 2025 жылы Қазақстанда экспортқа жөнелтілетін астықтың тасымалына субсидия енгізілді. Жыл басынан бері астық өндірушілер мен экспорттаушыларға 409,6 мың тонна бидай тасымалдағаны үшін 9,1 млрд теңге төленген.
Оқыңыз: Мемлекет астық экспортын қолдауға неге басымдық беріп отыр?
фото: freepik.com
