Елде ағза трансплантациясына мұқтаж адамдардың саны 4521-ге жетті. Бұл туралы Транспланттауды және жоғары технологиялық медициналық қызметті үйлестіру жөніндегі республикалық орталық хабарлады.
Қазір 100-ден астам бала трансплантацияға мұқтаж. Бүйрек алмастыру үшін кезегін күтіп жүрген 4099 адам бар. Тағы 230 адамға бауыр және 27 адамға өкпе доноры керек.
Мамандардың айтуынша, трансплантация кезегінде тұрғандардың шамамен 300-і жыл сайын донор табылмағандықтан көз жұмады.
2020 жылдан бастап Қазақстанда eGov порталы арқылы донорлыққа келісім беруге не бас тартуға болады. Қазір 10 мыңнан астам қазақстандық қайтыс болғаннан органдарын қолдануға рұқсат берген, ал 100 мыңнан астам адам бас тартқан.
фото: freepik.com
