20 маусым күні Санкт-Петербург қаласында өткен халықаралық экономикалық форумда ҚР Атом энергиясы жөніндегі агенттігі мен «Росатом» Қазақстандағы атом электр станциясын салу бойынша жол картасын бекітті.
«Біз Қазақстандағы АЭС жобасының нақты параметрлеріне қол жеткіздік және алғашқы маңызды құқықтық қадам жасадық», — деді «Росатом» бас директоры Алексей Лихачев.
Құжатқа ҚР Атом энергиясы жөніндегі агенттігінің төрағасы Алмасадам Сәтқалиев пен «Росатом» корпорациясының бас директоры Алексей Лихачев қол қойды.
Тараптар инженерлік-іздестіру жұмыстарын жүргізге, ЭҮК келісімшартын жасауға және жобалық құжаттаманы әзірлеуге келісті.
«Біз қауіпсіздіктің жоғары деңгейін және өндірісті жергіліктендіруді қамтамасыз ету үшін серіктестерімізбен тығыз әрі ашық ынтымақтастыққа сенім артамыз», — деді Сәтқалиев.
Бұған дейін Росатом АЭС құрылысын 10-12 жыл жүргізеді деп хабарлады агенттік. Маңызды нысан Алматы облысының Жамбыл ауданында салынады.
