Қазақстанның агроөнеркәсіптік кешенінде барлық түрдегі субсидиялар бойынша берешек көлемі 341,3 млрд теңгені құрап отыр. Оның 152,2 млрд теңгесі несиелердің пайыздық мөлшерлемесін субсидиялауға тиесілі. Бұл туралы Ауыл шаруашылығы министрлігі хабарлады.
Ең жоғары берешек көрсеткіші Ақмола, Қостанай және Солтүстік Қазақстан облыстарында тіркелген – 173,7 млрд теңге немесе жалпы соманың 51%-ы.
Заңға сәйкес субсидияларды төлеу жергілікті атқарушы органдар арқылы жүзеге асырылады. 2023 жылдан бастап агросекторды қолдауға арналған барлық шығыстар жергілікті бюджеттерге жүктелген.
Биыл ауыл шаруашылығын субсидиялауға 433,6 млрд теңге бөлінген, оның бір бөлігі өткен жылдардағы берешекті өтеуге бағытталады.
2024 жылы ауыл шаруашылығындағы субсидия қарызы 256 теңгені құрады.
Естеріңізге сала кетейік, тамызда Жетісуда сүт зауытының басшысы субсидия қаражатын құмар ойынға жұмсағаны анықталды.
Ауыл шаруашылығында субсидия берешегі 341 млрд теңгеден асты
